【花實測】實測遙距震蛋 Lovense Lush 2

女性高潮, 無線遙距, 私密研究所, 花實測
15 Apr, 2019
作者： Isabelle FaFa

LEXY 花兒戴樂古花實測 LUSH 2

Hello 大家好，我係情趣用品測試專員－花花。

有任何問題都可以經以下方法搵我啊！

📍Telegram ：https://t.me/FaFa_Faaa
📍Instagram ：@isabelle.fafa
📍Medium：medium.com/@isabelle.fafaa

LOVENSE Lush 2 遠端智能遙控震蛋登場喇！

💡 升級版本：Lush 3 遠程遙控智能無線震蛋

今次測試嘅震蛋係屬於無線遙距款式，品牌聲稱只要有網絡就可於地球任何範圍內操控嘅無線遙控震蛋！

而且我呢幾日仲收到多位朋友向我問有關情趣用品嘅查詢，事源就係有條成人網站入面有個女仔使用 LUSH 2 嘅片段，而個效果亦非常震撼！所以我就試下到底係咪真係咁勁喇！

Lush 呢款震蛋曾經出過第 1 代； Lush 2 係屬於第 2 代。
由於第 1 代嘅藍牙感應器時常出現接收不良嘅情況，所以第 2 代將針對性改良設計，將感應器嘅位置由機身轉咗去尾巴嘅頂部，確保使用時，接受器會位於體外。
咁樣都唔怕玩玩吓 Lush 2 會無啦啦斷線噤無癮喇！

LEXY LUSH2 VS LUSH

今次嘅實測會係由以下 5 個重點去評分：

App：🌸 🌸 🌸 🌸 🌸（5／5）
震動強度：🌸 🌸 🌸 🌸 🌸（5／5）
高潮刺激性：🌸 🌸 🌸 🌸（4／5）
連接穩定性：🌸 🌸 🌸 🌸（4／5）
價錢：🌸 🌸 🌸（3／5）

總分：21／25 🌸

整體分數都算高啊。

想知點解？向下碌睇吓【花實測】嘅第一擊喇！

【花實測】實測遙距震蛋 Lovense Lush 2 | LEXY

首先講講外觀，顏色 Shocking Pink 好搶眼，質地唔算好 Silky。

包裝細細盒，基本野有齊晒，快速使用指南、說明書都簡而精。

唯一唔好嘅就係說明書同個 App 都無繁體中文。

再講操作方面，其實都算易上手，成部機得一粒制，撳兩三下就已經玩得了！

單機玩法預設震動模式唔算好多，有 7 個啊。開著咗之後，每撳條尾巴嗰粒制一下就會轉一個震動模式。

【花實測】實測遙距震蛋 Lovense Lush 2 | LEXY

不過，好彩佢個 App 有得比我自己設計震動頻率，變相有無限個組合！

最衰就要自己花時間同心機研究個 Pattern。

但話晒都係主打異地戀專用，噤梗係要試埋個 App 啦！

配對方面，震蛋 Pair 電話係兩三秒嘅事，都算幾快啊！

而個 App 嘅介面都算清晰，雖則好多功能玩，但都尚算易用，玩咗一陣就上手了！

值得講下嘅係，仲可以 Share 成功高潮嘅頻率畀朋友一齊用，
同埋控制男朋友隻飛機杯、試用陌生人創作嘅頻率、連 Spotify Acc 跟住自己個 Playlist 震都得，幾得意啊！

個 App 話有個用性玩具遙距控制嘅「群交 Event 」，個 Concept 都幾大膽！

🌸 花實測 🌸

一開始試下水溫，我揀咗最弱試震外陰，已經有少少感覺了！

之後放入陰道試預設嘅震動模式，瞓喺床用正正常常。我自己就覺得坐喺到，甚至彎低身個位會更加易壓中 G 點，跟住忍唔住較到最強震試下，不過可能係我本身都算敏感，對我嚟講有啲強。

除咗第 4 個震動強度有少少過激外，其他震動度都算舒服啊！

佢屬於全防水，我係浴缸玩都無問題！

跟住就拎咗出街玩，連接都算好簡單，只要用 App 整條 Link Send 比操控者，佢 App 都唔洗裝就可以完全控制晒成粒震蛋了。

連接穩定性都算好啊，行到噤遠都仲未斷！

我都盡力 Zoom 近啲先！

但要注意嘅係如果揀 Offline Mode 記住小心唔好遮住條尾巴！

因為會影響咗個藍牙感應器，都會有斷線情況出現；但 Online Mode 就完全無噤嘅問題！

另外電量方面，官方就話使用時間可以用到約 190 分鐘。噤我自己都做個小測試。

由充滿電後，開始用 App 較到最震，直到無電熄機，究竟可以用到幾耐呢？

最後我得出嘅答案係 136 分鐘！同官方數字有 5x 分鐘差距，不過我諗其實 2 個鐘都夠晒了！

🌸 花語錄 🌸

實測完講下意見先，我自己覺得第 3 強度算係最舒服。加埋前後郁下半身，將條尾扭埋向上，少少餘震刺激埋陰蒂係最最最舒服嘅！

中途都有試過用手將粒震蛋向上頂，刺激個 G 點區域，成個人酸酸軟軟又會有啲尿意噤。

同埋，第一次聽到自己陰道內發出「咕嚕咕嚕」嘅水聲，好尷尬。

放入陰道之前，我建議做多啲前戲先，下體夠濕就會「𠽌」一聲噤入咗去；
直接放就會有啲困難，不過用潤滑液都可以解決到嘅！

至於價錢唔算好平，都要成千蚊，但功能同整體性都算滿意！

我諗中意刺激、接受高潮 Challenge 嘅巴絲打應該會幾啱心水！

但如果新手的話，應該要搵返力度溫柔少少嘅震蛋試下先啊。