註冊
【花實測】入門・頂級陰蒂吸啜器大比拼 | Womanizer vs LELO vs Pollyplus
#花實測 #Womanizer Premium #LELO Sona #KissToy PollyPlus
Hello ，大家好！ 🌸
今次繼上篇 實測遙距震蛋 Lovense Lush 2 後第二次寫試用報告。
迷思：
「到底大牌子出品嘅係咪最好？」
「平嘢，不了？」
「$1500 枝吮吸按摩器到底有咩咁勁啊？」
先講下我自己背景，究竟點解我會鐘意吮吸多過插入式呢？身為陰蒂吸啜器愛好者，我每一次用吮吸器都可以有幾次嘅陰蒂高潮，就連我第一次體驗「潮吹」都係靠佢，之後就完全入坑了！
但我都知道市面上實在有太多選擇，資訊又勁亂，有機會令新入手用家心大心細！所以今次我決定會以價錢為基準揀咗 3 款吮吸按摩器嚟做個大比拼！
平價、中價、貴價貨通通都有份，希望可以做個詳細開箱測評解決晒大家買之前舉旗不定嘅疑慮！
希望我嘅【花實測】試用報告可以幫到你喇！
先介紹下我今次揀嘅產品先！（以價錢平至貴排名）
第一部分簡介下每個產品嘅基本資料；
第二部分就會講下我嘅用後感；
最後一部分就會係要注意嘅「🌸 花 Tips」！
即刻開始！Let’s Go！
第一部分 | 基本資料：
開箱晒冷比拼：
重量「磅」一番：
睇返數據，其實 3 款產品個重量都相差唔遠，大約同一盒未開嘅炒麵王差唔多啦！
聲音分貝比拼：
我估唔算太多人對分貝數字有概念，為咗方便大家容易了解同喺屋企做下測試，所以我用咗 iPhone “Playtime/玩樂” 鈴聲嘅音量（圖4）同啲吮吸器聲浪（圖 1-3）作對比！
以下嘅資料都係以 3 款吮吸器最強嘅力度作測試：
- 分貝最高嘅 Sona (83 dB)差唔多等同需約 9 至 10 格嘅 iPhone 鈴聲！
- 分貝中嘅 Polly Plus (71 dB)差唔多等同需約 5 格嘅 iPhone 鈴聲！
- 分貝最低嘅 Premium (55 dB)就等同需約 1 至 2 格嘅 iPhone 鈴聲！
*iPhone 鈴聲嘅分貝大約由最細嘅 51 dB 至 最大嘅 92 dB。
吮吸震動比拼：
為咗令效果明顯啲，我係每個吮吸口嘅位置加咗少少水彩希望可以易睇啲。
以下係同一強度作測試，先總結力度：
Sona ➜ Polly Plus ➜ Premium （由大至細）
LELO Sona 
KISSTOY Pollyplus
WOMANIZER Premium
大家可以參考下水彩散於水嘅速度：
- Sona 差唔多一放落水就極快速擴散；
- Polly Plus 喺中段先開始四散；
- Premium 係最慢嘅。
🌸 花語錄：
- Sona 嘅力比其他兩款嚟得較強同實，比較適合鐘意刺激嘅人；
- Polly Plus 表現中規中距，不太剛、不太柔，係初用者未摸索到自己要求嘅好選擇；
- Premium 發嘅力就真係好柔，怕痛嘅您應該唔洗再擔心。
第二部分 | 逐個產品評價：
① KISSTOY Polly Plus
三支入面價錢最平，＄500 蚊樓下就有交易。
中國品牌嚟講，外型同質素方面都算唔錯，而且仲多埋個插入式按摩棒功能。
我覺得性價比最好，幾適合新手用家。
優點：
- 外型簡約，機身只有 1 粒制，操作極易。
- 長形棒身設計，唔算太重，尚算好揸，用得耐都唔覺攰。
- 吮吸洞洞 Size 較其餘兩支細，較適合華人，更貼服精準。
- 以呢個價錢，發出嘅聲浪有意外驚喜，比我預期細得多。
- 吮吸同插入式按摩棒都有獨立摩打，可分開操作，一個價錢，兩種享受。
缺點：
- 有簡體字說明書，但發現其中一部份有錯：充電唔係磁吸，而係插入式充電。
- 聲稱有暖感功能，但唔好期望過高，極期量只係冬天用唔會打冷震。
- 清潔比 Premium 難，因為吮吸咀拆唔開，如果配合潤滑液使用，可能有需要用棉花棒幫忙。
- 放完入水玩之後，部機操作無問題，但發出咗一陣「咕嚕咕嚕」嘅水聲，我揈返啲水出嚟就無聲啦，相信係水壓問題。
紅色標示為說明書錯處
🌸 花語錄：
- 一棒兩用，啱晒我呢啲貪心的小狗，嘻嘻！
- 雖然強度只有「弱、中、強」三種選擇，但其實初初用已經夠晒，發出嘅力度尚算溫柔，唔會過猛。
- 個人建議可以先用弱 Mode 感受下刺激先慢慢增強，因為有機會太刺激令一時間陰蒂適應唔到而有啲不適；直到用強 Mode，個身好快就覺得好熱，高潮亦短時間隨之而來。
- 雖然無其他兩款噤多內置 Program 玩，但呢個價錢，我絕對滿意。
- 建議唔好將成部機浸水，等佢可以保養得好啲啊！
② LELO Sona
傳統玩具名牌，價錢大約 ＄500 蚊。
對控制聲浪有少少失望，但力度同優雅外型挽回一成，整體都唔差，尚可接受。
優點：
- 外型的骰，背面仿金屬有質感，感覺高尚，三款裡面最易收藏。
- 充電最快（三款都無晒電開始充）。
- 力度充足。
- 內置 Program 算出色。
- 三款之中，體貼地送咗包潤滑液。
左邊：潤滑液、中間：潤滑液使用說明、後面：LELO Sona 說明書
缺點：
- 聲浪最大。
- 說明書資料少到等同無，要自己上網搵啊。
- 因為機身比較短，平躺時用，會有少少麻煩；斜挨就無問題。
- 後面係仿金屬面，好易印上指紋。
- 清潔比 Premium 難，因為吮吸咀拆唔開，如果配合潤滑液使用，可能有需要用棉花棒幫忙啊！
🌸 花語錄：
- 我覺得個內置 Program 都幾抵讚，特別係連續式 (Wave) 嗰隻震頻，力度循序漸進式由細至大、大至細，對我嚟講幾驚喜；另外其他脈膊式 (Pluse) 嘅震頻我自己麻麻哋，一下一下衝擊我自己唔係幾鐘意。
- 由於整體力度算大，所以建議初用人士使用適量潤滑液，可以減低摩擦，保持過程舒適暢順啊！
- 有一點都幾值得留意，當強度較得太細力用嗰時，部機會好似熄咗噤，不過唔洗擔心，原來唔係壞，只要較返大一兩個強度就會無事啦。
③ WOMANIZER Premium
吮吸界巨頭 － 價錢約＄1500 蚊，但噤嘅價錢，功能同質素一定有保證，但要講多次，真係好貴啊！
優點：
- 長柄彎身設計，Fit 晒手型，好揸手。
- 震動力度個 Range 最闊，有成 12 級強度揀，細細力啱新手，大大力啱資深用家。
- 吮吸感覺最溫柔最 Soft，完全唔覺死死實實，玩得耐都唔覺痛，啱晒怕刺激怕敏感嘅女仔。
- 隨盒附送額外多嗰同樣尺寸嘅按摩頭作替換，方便清潔！
- 最靜、最細力個 Mode 靜過部冷氣。
缺點：
- 貴。
- 說明書成吋厚，但仲要無中文，但唔睇唔得。
- 磁吸充電容易甩。
- 機身 4 粒制，無限個組合，控制算複雜。
兩盞代表電唔係最滿但夠用；得返一盞代表就嚟無電啦！
🌸 花語錄：
- 我電器盲，要花時間睇晒說明書先識玩，電器白痴要有心理準備。
- 有 Smart Silent Mode 放到埋身先會自動開機，可以減少聲浪發出嘅時間。
- Auto Pilot Mode 最啱懶人，開著咗乜都唔洗郁、唔洗理，淨係等就有高潮。
🌸 花 Tips 🌸：
① 以上三款充緊電都唔可以同時用，所以每次用完記得充返電，拎起手無電就掃興。
② 建議用吮吸器前搽適量潤滑液，減低摩擦或者不適感啊。
③ 使用途中記得將吮吸咀緊貼身體，好重要啊！因為噤個按摩器先會完全發揮功力，同可以稍為減低聲浪。
④ 初用者第一次使用時，我建議先以坐姿方式玩先，因為可以用埋眼望，比較易對準陰蒂。當感受到真正嘅刺激後，可以選擇斜挨或者完全躺平，慢慢 Enjoy 。
⑤ 初用者建議選擇較低力度先感受一下，再循序漸進式慢慢增強，唔好咁心急啊。
⑥ 初用者如果覺得刺激到成個人好熱，真係熱血沸騰嘅話！
請放心！呢個係代表完全刺激到陰蒂啊，等多陣就會有高潮㗎啦！
⑦ 每次用之前同之後，記得用唔甩毛嘅布同清潔液，徹底清潔。（用紙巾要小心甩毛）
小插曲：
我試完後貪玩叫埋男朋友嚟試左陣，以下係佢用後感：「頭幾下用係有啲 Feel，特別係陰莖下方繫帶附近感覺比較大。但用得耐就無乜 Feel，試下加大力度，點知仲有少少不適。」
總括，吮吸器係 100％ 女性玩具，男士唔啱玩。🙈
